తూర్పుగోదావరి: ఆంధ్రప్రదేశ్లోని తూర్పు గోదావరి జిల్లాలో భారీగా నగదు (Cash) పట్టుబడింది. శనివారం తెల్లవారుజామున నల్లజర్ల మండలంలోని అనంతపల్లి వద్ద ఓ వాహనాన్ని ఢీకొట్టిన తౌడు లోడుతో వెళ్తున్న లారీ అదుపుతప్పి బోల్తా పడింది. దీంతో లారీలోని బస్తాలన్నీ చెల్లాచెదురుగా పడ్డాయి. ఈ క్రమంలో ఏడు పెట్టెలు వాటితోపాటు ఉండటంతో స్థానికులు వాటిని తెరచి చూడగా.. నగదు బయటపడింది.
ఈ నేపథ్యంలో ఎన్నికల అధికారులకు సమాచారం అందించారు. ఘటనా స్థలానికి చేరుకున్న ఫ్లయింగ్ స్క్వాడ్.. ఆ కాటన్లను స్వాధీనం చేసుకున్నారు. డబ్బును విజయవాడ వైపు నుంచి విశాఖ వైపు తీసుకున్నారని అధికారులు తెలిపారు.