అమరావతి : ఏపీలోని నంద్యాల జిల్లా ( Nandyala district) లో తొమ్మిదేళ్ల బాలికపై అత్యాచారం ఘటన తరువాత బాలిక అదృశ్యం కేసు ఇంకా కొలిక్కి రాలేదు. బాలికను అత్యాచారం చేసిన ముగ్గురు మైనర్లు చెప్పిన వివరాల ప్రకారం సమీప కాలువలో నాలుగురోజులుగా బాలిక ఆచూకి లభించ లేదు. ఎన్డీఆర్ఎఫ్ 9 NDRF) , ఎస్టీఆర్ఎఫ్(SDRF) , గత ఈతగాళ్లతో గాలించినప్పటికి ఫలితం లేకపోవడంతో శుక్రవారం గాలింపును నిలిపి వేశారు.
పోలీసుల అదుపులో ఉన్న నిందితుల నుంచి సరైన సమాచారం రాకపోవడంతో బాలిక కుటుంబ సభ్యులు ఆందోళన వ్యక్తం చేస్తున్నారు. ఈ మేరకు శుక్రవారం పోలీసు స్టేషన్ ఎదుట బైటాయించి నిరసన తెలిపారు. బాలిక ఆచూకి వెంటనే కనుక్కోవాలని, నిందితులను కఠినంగా శిక్షించాలని డిమాండ్ చేశారు. ఈనెల 7 వ తేదీన ముగ్గురు మైనర్లు ఎనిమిదేళ్ల బాలిక (Girl) పై లైంగికదాడికి (Sexually assaulted) పాల్పడి హత్య చేసి కాలువలో పడేశారు.
తమ కూతురు కనిపించడం లేదని బాలిక తల్లిదండ్రులు పోలీసులకు ఫిర్యాదు చేయగా ముగ్గురు మైనర్లను అదుపులోకి తీసుకుని విచారించారు. ఈ విచారణలో మైనర్లు బాలికను చంపి హందీనివా అప్రోచ్ కాలువ సమీపంలో పడేశామని అంగీకరించడంతో మంగళవారం నుంచిగాలింపు చర్యలు మొదలు పెట్టారు. అప్పటి నుంచి గాలింపు చర్యలు చేపట్టిన బాలిక ఆచూకి మాత్రం లభించలేదు.