అమరావతి : ఏపీ ఎన్నికల్లో సర్వేలు ప్రకటించిన ఎగ్జిట్ పోల్ (Exit poll) ఫలితాలపై వైసీపీ సీనియర్ నాయకుడు వైవీ సుబ్బారెడ్డి (YV Subbareddy) స్పందించారు. ఎగ్జిట్ పోల్ని పరిగణలోకి తీసుకోవాల్సిన అవసరం లేదని అన్నారు. మరో 36 గంటల్లో వచ్చే ఫలితాలే అసలైన ఫలితాలను పేర్కొన్నారు. ప్రజలు చాలా కూల్గా ఓట్లు వేశారని తెలిపారు.
ఎన్నికల సంఘాన్ని అడ్డం పెట్టుకొని కూటమి తుఫాను సునామీలను సృష్టిస్తున్నారని దుయ్యబట్టారు. ఎగ్జిట్ పోల్స్ ఒక పార్టీకి అనుకూలంగా ఉన్నాయని ఆరోపించారు. ఆంధ్రప్రదేశ్లో ఉన్న పరిస్థితులు వేరని వివరించారు. వైసీపీ పట్ల ప్రజలపై అపారమైన నమ్మకం ఉందని వ్యాఖ్యానించారు. ముఖ్యమంత్రి జగన్మోహన్ రెడ్డి ( CM Jagan Reddy)చేసిన సంక్షేమ కార్యక్రమాల వల్ల తాము మరోసారి అధికారంలోకి వస్తామని ధీమాను వ్యక్తం చేశారు.