అమరావతి : ఆంధ్రప్రదేశ్ ప్రభుత్వ ప్రధానకార్యదర్శి (New Chief Secretary) గా నీరభ్కుమార్ ప్రసాద్ బాధ్యతలు చేపట్టిన కొద్ది గంటల్లోనే సీఎంవోలో పనిచేస్తున్న ముగ్గురు ఐఏఎస్ అధికారుల బదిలీలు సంచలనం కలిగిస్తోంది . వైసీపీ పాలనలో ఆరోపణలు ఎదుర్కొంటున్న అధికారులను కొత్త ప్రభుత్వం అధికారంలోకి రాకముందే వారిని అక్కడి నుంచి బదిలీల ప్రక్రియను వేగవంతం చేస్తున్నారు.
ముఖ్యంగా ముఖ్యమంత్రి కార్యాలయంలో( సీఎంవో)లో పనిచేస్తున్న ముగ్గురు ఐఏఎస్ (IAS) లను సీఎస్ శుక్రవారం బదిలీ చేశారు. పూనం మాలకొండయ్య (Poonam Malakondaiah) , రేవు ముత్యాలరాజు (Revu Mutyalaraju), నారాయణ్ భరత్ గుప్తా (Narayan Bharat Gupta) ను సాధారణ పరిపాలనశాఖలో రిపోర్టు చేయాలని సీఎస్ ఆదేశాలు జారీ చేశారు.
ఈనెల 4న ఎన్నికల ఫలితాలు వెలువడ్డ తరువాత అత్యధిక మెజారిటీ సాధించిన టీడీపీ అధినేత చంద్రబాబు నాయుడిని మర్యాదపూర్వకంగా కలిసేందుకు వెళ్లిన ముగ్గురు ఐఏఎస్, ఐపీఎస్ అధికారులను వెనక్కి పంపించేశారు. ఈ ముగ్గురు గత వైసీపీ పాలనలో వైఎస్ జగన్కు అంటకాగారని టీడీపీ నాయకులు ఆరోపణలు వ్యక్తం చేశారు. ప్రభుత్వ ప్రధానకార్యదర్శి జవహర్రెడ్డిపై మొదటి వేటు పడగా ప్రస్తుతం మరో ముగ్గురు ఐఏఎస్లకు బదిలి వేటు పడింది.