అమరావతి : టీడీపీ అధ్యక్షుడు చంద్రబాబు నాయుడు కుమారుడు, మాజీ మంత్రి నారా లోకేష్(Nara Lokesh) గెలుపొందారు. మంగళగిరి(Mangalagiri ) నుంచి పోటీ చేసిన నారా లోకేష్ తన సమీప వైసీపీ ప్రత్యర్థి మురుగుడు లావణ్యపై విజయం సాధించారు. 2019లో మంగళగిరి నుంచే టీడీపీ అభ్యర్థిగా పోటీ చేసిన లోకేష్ వైసీపీ అభ్యర్థి ఆళ్ల రామకృష్ణారెడ్డి చేతిలో 5,337 ఓట్ల తేడాతో ఓటమిపాలయ్యారు.
2017లో ఎమ్మెల్సీగా గెలుపొందిన తరువాత చంద్రబాబు (Chandra Babu) క్యాబినెట్లో పంచాయతీరాజ్ , గ్రామీణాభివృద్ధి, ఐటీ శాఖల (IT Minister) మంత్రిగా పనిచేశారు. రెండోసారి మంగళగిరి నుంచి పోటీ చేసి విజయం సాధించారు . సినీనటుడు, ఎమ్మెల్యే నందమూరి బాలకృష్ణ పెద్ద కూతురు బ్రాహ్మణిని లోకేష్ వివాహం చేసుకున్నారు.