అమరావతి : ఈనెల 15న అదృశ్యమైన నరసాపురం ఎంపీడీవో (MPDO) వెంకట రమణారావు(Ramanarao) మృతదేహం తొమ్మిదిరోజుల తరువాత లభ్యం కావడంతో వారి కుటుంబంలో విషాదఛాయలు అలుముకున్నాయి. మధురానగర్ రైలు పై వంతెన నుంచి ఏలూరు (Eluru) కాలువలతో దూకినట్లు సమాచారం అందుకున్న పోలీసులు ఆ దిశగా గాలింపు చర్యలు మొదలుపెట్టారు.
నరసాపురం పరిధిలోని మాధవాయిపాలెం ఫెర్రీ పాటదారు ప్రభుత్వానికి రావాల్సిన బకాయిల గురించి ఎంపీడీవో ఒత్తిళ్లు తీసుకువచ్చారు. దీంతో కొందరు ప్రజాప్రతినిధులు బకాయిల కోసం ఒత్తిళ్లు తీసుకురావద్దని ఇబ్బందులకు గురిచేయడంతోనే ఎంపీడీవో మనస్తాపానికి గురై కాలువతో దూకారని కుటుంబ సభ్యులు అనుమానం వ్యక్తం చేశారు.
సెల్ఫోన్(Cellphone), సీసీ కెమెరాల(CC Cameras) ఆధారంగా ఎంపీడీవో ఆచూకి కనుకునేందుకు ప్రభుత్వం అధికారులకు ఆదేశాలు జారీ చేసింది. దీంతో ఎన్టీఆర్ఎఫ్(NDRF) , ఎస్టీఆర్ఎఫ్ దళాలు వారం రోజులుగా ఏలూరు కాలువలో తీవ్రంగా గాలించారు. ఈరోజు కిలో మీటర్ దూరంలో పైవంతెన పిల్లర్కు చిక్కుకున్న మృతదేహాన్ని గుర్తించారు. మృతదేహాన్ని బయటకు తీసి పోస్టుమార్టం కోసం ప్రభుత్వాసుపత్రికి తరలించారు. కేసు నమోదు చేసుకుని దర్యాప్తు చేస్తున్నారు.