Srisailam | శ్రీశైల మహా క్షేత్రానికి వచ్చే యాత్రికులకు కల్పించే మౌలిక వసతుల కల్పన పూర్తి అధ్వాన్నంగా ఉందని, ఇంకా మెరుగుపర్చాల్సిన అవసరం ఉందని శ్రీశైలం ఎమ్మెల్యే రాజశేఖర్రెడ్డి అన్నారు. ఈవో పెద్దిరాజు ఆధ్వర్యంలో ఆలయ విభాగాధిపతులు సిబ్బందితో మంగళవారం ఆయన సమీక్ష నిర్వహించారు. ఈ సందర్భంగా సమావేశంలో దేశం నలుమూలల నుంచి వచ్చే భక్తులకు మెరుగైన సౌకర్యాలు కల్పించాలన్నారు. ఈ విషయంలో అధికారులు పనితీరును మార్చుకోవాల్సిన అవసరం ఉందన్నారు. ప్రధానంగా దేవస్థానం సోమ్ము వృథా చేయడం సరికాదన్నారు. క్షేత్రాభివృద్ధికి తోడ్పడకుండా.. పాలనా విధానాన్ని తప్పుదోవ పట్టించే అధికారులు, సిబ్బందిపై ప్రభుత్వం శాఖాపరంగా కఠిన చర్యలు తీసుకుంటుందని స్పష్టం చేశారు.