తిరుమల : లైసెన్స్ ఫీజు సకాలంలో చెల్లించని కారణంగా తిరుమల (Tirumala ) లో తొమ్మిది పెద్ద హోటళ్లలో ఒకటైన బాలాజీ భవన్ హోటల్ (Hotel) లైసెన్స్ ను టీటీడీ(TTD) రద్దు చేసింది. కౌస్తుభం విశ్రాంతి భవనం సమీపంలో ఉన్న ఈ హోటల్ చెల్లించవలసిన లైసెన్స్ ఫీజు(Licence Fees) రూ.76 లక్షలు బకాయి పడింది.
గత నెలలో ఫీజు చెల్లించాలని సదరు హోటల్కు తుది నోటీసులు జారీ చేశారు. పలుమార్లు నోటీసులు జారీ చేసినా, లైసెన్సు ఫీజు చెల్లించనందుకు హోటల్ లైసెన్స్ను రద్దు చేసినట్టు టీటీడీ అధికారులు వెల్లడించారు. టీటీడీ రెవెన్యూ, హెల్త్, విజిలెన్స్ అధికారులతో కూడిన టాస్క్ఫోర్స్ బృందం హోటల్ను స్వాధీనం చేసుకుంది .
తిరుమలలో పెరిగిన భక్తుల రద్దీ
తిరుమలలో భక్తుల రద్దీ పెరిగింది. కంపార్టుమెంట్లు అన్నీకూడా భక్తులతో నిండిపోయి టీబీసీ వరకు క్యూలైన్లో నిలబడ్డారు. టోకెన్లు లేని భక్తులకు 20 గంటల్లో సర్వదర్శనం కలుగుతుందని టీటీడీ అధికారులు తెలిపారు. నిన్న స్వామివారిని 67,223 మంది భక్తులు దర్శించుకోగా 24,549 మంది తలనీలాలు సమర్పించుకున్నారు. భక్తులు సమర్పించుకున్న కానుకల ద్వారా హుండీ ఆదాయం రూ. 4.66 కోట్లు వచ్చిందని వివరించారు.