హైదరాబాద్, జూలై 23 (నమస్తే తెలంగాణ): వైఎస్ జగన్ ఆస్తుల వ్యవహారంపై నమోదైన కేసులను రోజువారీ విచారణ చేయాలని సీబీఐ కోర్టును హైకోర్టు మరోసారి ఆదేశించింది. ఈ నెల 3న ఇచ్చిన ఉత్తర్వుల అమలుపై నివేదిక సమర్పించాలని తెలిపింది. జగన్ ఆస్తుల కేసు విచారణను సత్వరం పూర్తి చేయాలంటూ ఏపీకి చెందిన మాజీ మంత్రి చేగొండి హరిరామజోగయ్య వేసిన పిల్ను మంగళవారం ప్రధాన న్యాయమూర్తి జస్టిస్ అలోక్ అరాధే, జస్టిస్ వినోద్కుమార్తో కూడిన ధర్మాసనం విచారించింది. తదుపరి విచారణను ఆగస్టు 20కి వాయిదా వేసింది.