Cyber Fraud | టెక్నాలజీ పెరుగుతున్నా కొద్దీ సైబర్ మోసగాళ్లు కొత్త కొత్త మార్గాలు అనుసరిస్తున్నారు. ఫేస్ బుక్ ఖాతాలో కనిపించిన లింక్ మీద క్లిక్ చేసిన ఓ బ్యాంకు మహిళా ఉద్యోగి సైబర్ మోసగాళ్లకు చిక్కి భారీగా మనీ పోగొట్టుకున్నారు. షేర్ మార్కెట్లో పెట్టుబడులు పెడితే లాభాలు వస్తాయంటూ ఫేస్బుక్లో లింక్ కనిపించడంతో ప్రకాశం జిల్లా మార్కాపురంలో పని చేస్తున్న బ్యాంకు మహిళా ఉద్యోగి ఆ లింక్ క్లిక్ చేశారు. అంతే ఆమె ఖాతా నుంచి సైబర్ మోసగాళ్లు రూ.34 లక్షలు స్వాహా చేశారు. ఈ సంగతి ఆలస్యంగా తెలుసుకున్న సదరు బాధితురాలు పోలీసులను ఆశ్రయించారు.