Vijay Sai Reddy : వైఎస్ఆర్ కాంగ్రెస్ పార్టీ సీనియర్ నాయకుడు, రాజ్యసభ సభ్యుడు విజయ్సాయిరెడ్డి (Vijay Sai Reddy) పై ఆంధ్రప్రదేశ్ దేవాదాయ శాఖ అసిస్టెంట్ కమిషనర్ శాంతి (Shanti) భర్త మదన్ మోహన్ మానిపట్టి (Madhan Mohan Manipatty) మరోసారి తీవ్ర విమర్శలు చేశారు. ఆంధ్రప్రదేశ్ హైకోర్టులో ప్రభుత్వ న్యాయవాదిగా పనిచేస్తున్న మరో వ్యక్తితో కలిసి విజయ్ సాయిరెడ్డి తన భార్య శాంతిని లోబర్చుకున్నారని, వారు ఆమెతో అక్రమంగా ఒక బిడ్డను కూడా కన్నారని ఆరోపించారు.
తన భార్య ఆంధ్రప్రదేశ్ దేవాదాయ శాఖలో అసిస్టెంట్ కమిషనర్గా పనిచేస్తున్నదని, ఆమెను విజయసాయిరెడ్డి లొంగ దీసుకున్నాడని మదన్ మోహన్ చెబుతున్నారు. వాళ్లు తన భార్యను లోబర్చుకోవడం మాత్రమే చేయలేదని, పెద్ద ఎత్తున చట్ట వ్యతిరేక కార్యకలాపాలకు పాల్పడ్డారని, వేల కోట్ల విలువ చేసే ప్రభుత్వ భూమిని కాజేశారని ఆరోపించారు. వాళ్లు పెద్ద నేరం చేశారని విమర్శించారు.
విజయ్ సాయిరెడ్డి రాజ్యసభ సభ్యత్వాన్ని తక్షణమే రద్దు చేయాలని, ఆయనకు డీఎన్ఏ టెస్టు నిర్వహించాలని మదన్ మోహన్ డిమాండ్ చేశారు. లేదంటే ఆయనకు వ్యతిరేకంగా తాను ఢిల్లీలోని జంతర్మంతర్ దగ్గర ఆందోళన చేస్తానని హెచ్చరించారు. ఈ విషయమై భారత రాష్ట్రపతి ద్రౌపది ముర్ము, రాజ్యసభ చైర్మన్ జగదీప్ ధన్కర్ను కూడా కలిసి ఫిర్యాదు చేస్తానని మదన్ మోహన్ చెప్పారు.