అమరావతి : తిరుమలలో(Tirumala) భక్తుల రద్దీ(Huge Rush ) పెరిగింది. కలియుగ ప్రత్యక్షదైవం వేంకటేశ్వరస్వామిని దర్శించుకునేందుకు వివిధ ప్రాంతాల నుంచి వచ్చిన భక్తులతో(Devotees) మొత్తం కంపార్టుమెంట్లు నిండిపోయాయి. దీంతో టోకెన్ లేని భక్తులకు శ్రీవారి సర్వ దర్శనానికి కోసం 24 గంటల సమయం పడుతున్నదని టీటీడీ వర్గాలు తెలిపాయి.
క్యూలైన్లలో ఉన్న భక్తులకు కావాల్సిన ఏర్పాట్లను అధికారులు ఎప్పటికప్పుడు పర్యవేక్షిస్తున్నారు. తాగునీరు, అన్నప్రసాదాలు, పాలు అందిస్తున్నారు. కాగా, శనివారం నాడు శ్రీవారిని 74,467 మంది భక్తులు దర్శించుకున్నారు. 40005 మంది భక్తులు తలనీలాలు సమర్పించుకున్నారు. ఇక శనివారం హుండీ ఆదాయం రూ.3.77 కోట్లు వచ్చాయని ఆలయ వర్గాలుత తెలిపాయి.