శ్రీశైలం : శ్రీశైల (Srisailam) మహా క్షేత్రంలో హనుమాన్ జయంతి(Hanuman Jayanthi ) ప్రత్యేక పూజా కార్యక్రమాలు శాస్ర్తోక్తంగా జరిగాయి. పాతాళగంగ మార్గంలో ఉన్న ప్రసన్నాంజనేయస్వామి దేవాలయంలో అర్చక వేదపండితులు విశేష పూజలు నిర్వహించారు. లోకకళ్యాణాన్ని కాంక్షిస్తూ మహాసంకల్పాన్ని పఠించారు. పూజా కార్యక్రమంలో ఈవో పెద్దిరాజు(EO Peddiraju) , ఆలయ అధికారులు పాల్గొని తీర్థప్రసాదాలు తీసుకున్నారు.
వివిధ ప్రాంతాల నుంచి వచ్చిన యాత్రికులు (Piligrims) జయంతి వేడుకల్లో పాల్గొన్నారు. సెలవు దినాలు ముగియనుండటంతో క్షేత్ర దర్శనానికి వచ్చిన యాత్రికులతో సందడి నెలకొంది. శ్రీభ్రమరాంబ మల్లికార్జున స్వామిఅమ్మవార్లను ఉచిత క్యూలైన్ ద్వారా దర్శించుకునేందుకు సుమారు నాలుగు గంటల సమయం పడుతుందని ఆలయ అధికారులు తెలిపారు.