సంగారెడ్డి : సంగారెడ్డి జిల్లా బీడీఎల్ భానూరులో ఘోరం జరిగింది. ఓ జవాన్ బస్సు దిగుతుండగా చేతిలో గన్ మిస్ ఫైర్(Gun misfire ) తలలోంచి దూసుకెళ్లింది. దీంతో జవాన్ ( Jawan ) అక్కడికక్కడే మృతి చెందాడు. వివరాలు ఇలా ఉన్నాయి. కర్నూలు(Kurnool) జిల్లా అవుకు మండలం జూనూతల గ్రామానికి చెందిన వెంకటేశ్(Venkatesh) (34) కొన్ని సంవత్సరాలుగా సంగారెడ్డిలోని బీడీఎల్(BDL) భానూరులో సీఐఎస్ఎఫ్ (CISF) జవాన్గా పనిచేస్తున్నాడు.
శనివారం మధ్యాహ్నం ఆయన బస్సు దిగుతుండగా ఒక్కసారిగా ప్రమాదవశాత్తు చేతిలోని తుపాకి పేలి తూటా తలలోకి దూసుకెళ్లింది. దీంతో ఆయన అక్కడికక్కడే మృతి చెందాడని అధికారులు తెలిపారు. ఘటన విషయాన్ని సమాచారం అందించడంతో పోలీసులు అక్కడికి చేరుకున్నారు. కేసు నమోదు చేసుకుని దర్యాప్తు చేస్తున్నారు. జవాన్ మృతదేహాన్ని పోస్టుమార్టం కోసం ఆస్పత్రికి తరలించారు.