అమరావతి : ఏపీలో శాంతి భద్రతలు (Law and Order) కరువయ్యాయని, వాటిని కాపాడడంలో ప్రభుత్వం ఘోరంగా విఫలమయ్యాయని మాజీ మంత్రి అంబటి రాంబాబు (Ambati Rambabu) ఆరోపించారు. తాడేపల్లి వైసీపీ కార్యాలయంలో ఆయన మీడియాతో మాట్లాడారు.
అధికారంలోకి వచ్చిన కూటమి ప్రభుత్వం వైఫల్యాలను కప్పిపుచ్చుకోవడానికి ముఖ్యమంత్రి చంద్రబాబు నాయుడు (Chandra Babu) శాంతి భద్రతలపై శ్వేతపత్రం (White paper) విడుదలను వాయిదా వేసుకున్నారని ఆరోపించారు. కొన్ని భయట, మరికొన్ని శాసనసభలో శ్వేతపత్రాలు ఎందుకు విడుదల చేస్తున్నారని విమర్శించారు.
పల్నాడు జిల్లా వినుకొండలో రషీద్ (Rasid) అనే వైసీపీ కార్యకర్తను దారుణ హత్య చేశారని ఆరోపించారు. రషీద్ హత్య వ్యక్తిగత గొడవలైతే స్థానిక ఎంపీ, ఎమ్మెల్యేలు ఎందుకు పరామర్శించలేదని ప్రశ్నించారు. హత్యపై హోంమంత్రి అనిత(Home Minister Anitha) చేసిన వ్యాఖ్యలను అంబటి తీవ్రంగా ఖండించారు. గంజాయి మత్తులో దారుణాలు జరుగుతున్నాయని ఆమె ఆరోపించడం సిగ్గుచేటన్నారు. అధికారంలోకి వచ్చి 45 రోజులు గడుస్తున్నా గంజాయిని ఎందుకు అరికట్టలేదని నిలదీశారు.
వినుకొండలో జరిగింది ముమ్మాటికి రాజకీయ హత్యేనని స్పష్టం చేశారు. ముచ్చుమర్రిలో ఈనెల 7న బాలిక అత్యాచారం, హత్య జరిగితే పోలీసులు ఇదివరకు శవాన్ని, ఆచూకిని ఇంతవరకు కనిపెట్టలేకపోయారని విమర్శించారు. ఈ ఘటనలో అనుమానితుడు లాకప్డెత్ కావడంపై విచారణ జరపాలని, న్యాయపోరాటం జరపాలని డిమాండ్ చేశారు.
న్యాయవ్యవస్థ కూడా స్పందించి కేసును సుమోటాగా తీసుకోవాలని సూచించారు. పుంగనూర్లో ఎంపీ మిథున్రెడ్డి పర్యటిస్తుంటే టీడీపీ శ్రేణులు దాడులు చేయడం దారుణమని అన్నారు. గౌరవమైన పోస్టులో ఉన్న హోంమంత్రి బాధ్యతగా మాట్లాడాలని సూచించారు.
Vangalapudi Anitha | మీపై ఎందుకు చర్యలు తీసుకోకూడదు.. జగన్పై హోంమంత్రి వంగలపూడి అనిత ఫైర్