అమరావతి : కాపు నాయకుడు ముద్రగడ పద్మనాభం (Mudragada Padmanabham) తాను చేసిన సవాల్కు కట్టుబడి ఉంటానని మరోసారి స్పష్టం చేశారు. నా పేరును పద్మనాభరెడ్డి (Padmanabha reddy) గా మార్చాలని గెజిట్కు దరఖాస్తు చేసుకుంటానని వెల్లడించారు.
ఎన్నికల సందర్భంగా జనసేన అధ్యక్షుడు పవన్కల్యాణ్ పిఠాపురం (Pitapuram) లో ఎలా గెలుస్తాడో తాను చూస్తానని, ఒకవేళ పవన్ గెలిస్తే తన పేరును పద్మనాభరెడ్డిగా మార్చుకుంటానని ఆయనసవాల్ చేశారు. ఏపీ ఎన్నికల ఫలితాల్లో కూటమి ఘన విజయం సాధించిన విషయం తెలిసిందే.
పిఠాపురంలో పవన్కల్యాణ్ భారీ మెజార్టీతో గెలుపొందడంతో సామాజిక మాధ్యమాల్లో ముద్రగడ సవాల్ను గుర్తు చేస్తూ ట్రోలింగ్ జరిగింది. పలు పత్రికల్లోనూ వార్తను ప్రచురించడంతో స్పందించిన ముద్రగడ బుధవారం కాకినాడ జిల్లా కిరంపూడిలో మీడియాతో మాట్లాడారు.
పిఠాపురంలో పవన్ను ఓడించి పంపుతానని సవాల్ చేశా. ఓడించకపోతే నా పేరు పద్మనాభరెడ్డిగా మార్చుకుంటానని చెప్పా. కాని పవన్కల్యాణ్ గెలుపొందారు. ఇక నా పేరు పద్మనాభరెడ్డిగా మార్చాలని గెజిట్ దరఖాస్తు పెట్టుకుంటానని పేర్కొన్నారు .