అమరావతి : ఆంధ్రప్రదేశ్ రాజకీయాల్లో తనదంటూ ముద్రవేసుకున్న బొత్స సత్యనారాయణ ఘోర ఓటమిపాలయ్యారు. ఆయనే కాకుండా అతడి కుటుంబంలోని మరో ముగ్గురు అదే బాట పట్టారు. వైసీపీలో కీలకనేతగా, మంత్రిగా పనిచేసిన బొత్స సత్యనారాయణ (Botsa Satyanarayana) విశాఖపట్నంలోని చీపురుపల్లి అసెంబ్లీ నియోజకవర్గం నుంచి పోటీ చేశారు.బొత్స సతీమణి బొత్స ఝాన్సీరాణి (Jhansirani) విశాఖపట్నం వైసీపీ ఎంపీగా పోటీ చేశారు. గజపతినగరం అసెంబ్లీకి సోదరుడు బొత్స అప్పల నరసయ్య, నెల్లిమర్లలో వరుసకు సోదరుడయ్యే బడ్డుకొండ అప్పలనాయుడు పోటీ చేశారు. ఈ నలుగురు కూడా కూటమి(Allaince) చేతిలో ఓటమిపాలయ్యారు.
బొత్స సత్యనారాయణ 1999లో ఎంపీగా కాంగ్రెస్ (Congress) పార్టీ నుంచి గెలుపొందారు. 2004, 2009 కాంగ్రెస్ ఎమ్మెల్యేగా గెలుపొందారు. కొణిజేటి రోశయ్య, నల్లారి కిరణ్కుమార్రెడ్డి మంత్రివర్గంలో పనిచేశారు. 2015లో కాంగ్రెస్కు రాజీనామా చేసి వైసీపీలో చేరారు. 2019లో జరిగిన ఎన్నికల్లో వైసీపీ ఎమ్మెల్యేగా గెలుపొంది వైఎస్ జగన్ మంత్రివర్గంలో స్థానం సంపాదించుకున్నారు. దాదాపు చీపురుపల్లి నుంచి బొత్స ఐదుసార్లు పోటీ చేసి మూడుసార్లు ఓటమి చెందారు. 2014లో ఒకసారి, 2024లో ఆయన ఓడిపోయారు.