తిరుపతి : తిరుపతి (Tirupati ) లో గురువారం సాయంత్రం జరిగిన ఘోర రోడ్డు ప్రమాదం (Road accident ) లో ముగ్గురు యువకులు అక్కడికక్కడే మృతి చెందారు. జిల్లాలోని బిఎన్ కండ్రిగ మండలం పార్లపల్లి వద్ద కారు, ద్విచక్రవాహనం(Two Wheeler) ఢీకొంది. ఈ ప్రమాదంలో ఒడిశా (Odissa) వాసులు బఫూన్ఖాన్(22), రాజాసింగ్(23), సుఖ్దేవ్ సింగ్(21) మృతి చెందారు. స్థానికంగా ఉన్న అట్టల పరిశ్రమలో పనిచేస్తున్న వీరు ద్విచక్రవాహనంపై వెళ్తుండగా ఈ ఘటన చోటు చేసుకుంది. పోలీసులు ఘటనా స్థలికి చేరుకుని కేసు నమోదు చేసి మృతదేహాలను ఆసుపత్రికి తరలించారు.