అమరావతి : ఏపీలో వైసీపీ ఓటమిపై ఆ పార్టీకి చెందిన పలువురు పలు రకాలుగా అనుమానాలు వ్యక్తం చేస్తున్నారు. ఈవీఎంల పనితీరుపై మాజీ మంత్రి కారుమూరి వెంకట నాగేశ్వరరావు(Former Karumuri) పశ్చిమ గోదావరిలో ఏర్పాటుచేసిన మీడియా సమావేశంలో మాట్లాడారు.
ఈవీఎం ట్యాంపరింగ్( Tampering) జరిగి ఉండవచ్చని, దీంతో 11 స్థానాల్లో వైసీపీ(YCP) గెలిచి మిగతా చోట్ల ఎలా ఓడిపోతుందని అనుమానం వ్యక్తం చేశారు. ఈవీఎంలలో ఏదో తేడా జరిగిందని ప్రజలు భావిస్తున్నారని వెల్లడించారు. ఒక నియోజకవర్గంలో లక్ష ఎనభై వేల ఓట్లు పోలైతే ముప్పై వేలు అధికంగా కనబడడం , మరో చోట ప్రైవేట్ కారులో ఈవీఎం(EVM) తరలిస్తే పట్టుకోవడం లాంటి ఘటనలతో అనుమానాలకు తావిస్తుందని అన్నారు.
చంద్రబాబు ల్యాండ్ అండ్ టైటిల్(Land and Title) చట్టాన్ని భూతంలా చూపి ప్రజల్లో భయభ్రాంతులను క్రియేట్ చేశారని ఆరోపించారు. కొత్త చట్టం వల్ల ప్రజల ఆస్తులు కొల్లగొడుతారని దుష్ప్రచారం చేశారని మండిపడ్డారు. ప్రజలకు మంచి చేయాలన్న ఆలోచనలో వైఎస్ జగన్ అహర్నిశలు శ్రమించారని కొనియాడారు.