అమరావతి : ఈనెల 22 నుంచి ప్రారంభం కానున్న పార్లమెంట్ సమావేశాల సందర్భంగా టీడీపీ ఎంపీ(TDP MPs) లకు , ఆ పార్టీ అధ్యక్షుడు, ముఖ్యమంత్రి చంద్రబాబునాయుడు (Chandrababu) పలు అంశాలపై దిశానిర్దేశం చేశారు. ఎంపీలు, మంత్రులు పాల్గొన సమావేశంలో పార్లమెంట్లో అనుసరించాల్సిన వ్యూహాలపై చర్చించారు. కేంద్రం నుంచి రావాల్సిన నిధుల కోసం కృషి చేయాలని సూచించారు.
అమరావతి(Amaravati), పోలవరం(Polavaram) ప్రాజెక్టులకు రావాల్సిన నిధులపై దృష్టిని సారించాలని తెలిపారు. జల్జీవన్ కృషి సించాయీ యోజక కింద రావాల్సిన నిధులు, వివిధ ప్రాజెక్టులకు భూముల కేటాయింపుపై చర్చ, విశాఖ స్టీల్ ప్లాంట్ (Visaka Steel Plant) ను మళ్లీ గాడిన పెట్టేందుకు చేపట్టాల్సిన అంశాలపై చర్చించారు. విభజన హామీల పరిష్కారానికి కృషి చేయాలని చంద్రబాబు ఎంపీలకు సూచించారు. కేంద్రంతో సమన్వయం కోసం ఇప్పటికే ఒక్కో ఎంపీకి ఒక్కో శాఖ కేటాయింపు చేశానని గుర్తు చేశారు.