అమరావతి : అల్పపీడనం (Low pressure) కారణంగా ఏపీలో భారీ వర్షాలు(Heavy rains) కురిసే అవకాశం ఉందని వాతావరణ అధికారులు తెలిపారు. గురు, శుక్రవారాల్లో ఉత్తర కోస్తా, దక్షిణ కోస్తా జిల్లాలో భారీ నుంచి అతి భారీ వర్షాలు పడుతాయని వెల్లడించారు. లోతట్టు ప్రాంత ప్రజలు అప్రమత్తంగా ఉండాలని హెచ్చరించారు.
భారీ వర్షాల దృష్ట్యా అత్యవసర సహాయం కోసం టోల్ ఫ్రీ నంబర్లును 1070, 112, 18004250101 ఏర్పాటు చేసినట్లు విపత్తు నిర్వహణ అథారిటీ (Disaster management authority) అధికారులు పేర్కొన్నారు. తీర ప్రాంతాల్లో ఈదురుగాలులు వీచే సూచనలున్నాయని తెలిపారు. ఎల్లుండి నాటికి పశ్చిమ మధ్య బంగాళాఖాతంలో మరో అల్పపీడనం ఏర్పడుతుందని వాతావరణ శాఖ అధికారులు తెలిపారు. సముద్రం అల్లకల్లోలంగా ఉంటుందని పేర్కొన్నారు. తుఫాన్ హెచ్చరికలతో మత్స్యకారులు రేపటి నుంచి వేటకు వెళ్లొద్దని సూచించారు.