అమరావతి : ఏపీలోని గుంటూరు జిల్లాలో జరిగిన స్వాతంత్య్ర వేడుకల్లో డ్రోన్ కలకలం(Drone disturbance) సృష్టించింది. ఏపీ సీఎం కుమారుడు, మంత్రి నారా లోకేష్ (Minister Nara Lokesh) పాల్గొన్న వేడుకల్లో అనుమతి లేకుండా డ్రోన్ను వినియోగించిన యువతిని పోలీసులు అదుపులోకి తీసుకున్నారు.
గుంటూరు (Guntur) పోలీస్ పరేడ్ గ్రౌండ్స్లో గురువారం ఏపీ విద్యాశాఖ మంత్రి నారా లోకేష్ జాతీయ పతాకాన్ని ఎగురవేశారు. అనంతరం పోలీసుల గౌరవ వందనాన్ని స్వీకరించి జిల్లా ప్రజలనుద్దేశించి మాట్లాడారు. ఈ సందర్భంగా ఆ ప్రాంతంలో డ్రోన్ సంచరించడాన్ని గమనించిన పోలీసులు వెంటనే అప్రమత్తమై డ్రోన్ను స్వాధీనం చేసుకున్నారు.
డ్రోన్ను ఎగురవేయడాన్ని సెక్యూరిటీ బ్రీచ్ (Security Breach) కింద తీసుకున్న అధికారులు డ్రోన్ను ఎగురవేసిన యువతిని గమనించి ఆమెను అదుపులోకి తీసుకుని విచారిస్తున్నారు. పరేడ్ను రికార్డు చేసేందుకు డ్రోన్ ఎగురవేసినట్టు యువతి వివరించినా, అనుమతి లేకుండా డ్రోన్ ఎగురవేయడంపై పోలీసులు ఆగ్రహం వ్యక్తం చేస్తున్నారు.