Nandigam Suresh | బాపట్ల మాజీ ఎంపీ నందిగం సురేశ్కు సీఆర్డీఏ నోటీసులు జారీ చేసింది. రాజధాని ప్రాంతంలోని ఉద్దండరాయునిపాలెంలో నందిగం సురేశ్కు చెందిన భవనానికి అనుమతులు లేవంటూ అధికారులు నోటీసులు పంపించారు.
ఈ నోటీసులపై వారంలోగా వివరణ ఇవ్వాలని అధికారులు ఆదేశించారు. లేదంటే చట్టపరంగా చర్యలు తీసుకుంటామని హెచ్చరించారు. నందిగం సురేశ్కు చెందిన భవనం అమరావతి పరిధిలో ఉన్నందున సీఆర్డీఏతో పాటు ఉద్దండరాయునిపాలెం పంచాయతీ అధికారులు సంయుక్తంగా నోటీసులు ఇచ్చారు.
కాగా, ఇప్పటికే ఇసుక అక్రమ రవాణా కేసులో నందిగం సురేశ్ సోదరుడు ప్రభుదాస్ను పోలీసులు అరెస్టు చేశారు. పది రోజుల కిందట ఉద్దండరాయునిపాలెం నుంచి విజయవాడకు అక్రమంగా ఇసుకను తరలిస్తున్న రెండు లారీలను పోలీసులు పట్టుకున్నారు. పోలీసుల విచారణలో అవి నందిగం ప్రభుదాస్కు చెందిన ఇసుక లారీలుగా గుర్తించారు. దీంతో నందిగం ప్రభుదాస్ను తుళ్లూరు పోలీసులు అరెస్టు చేశారు. రెండు లారీలు, కారును స్వాధీనం చేసుకున్నారు. ఈ అరెస్టుపై నందిగం సురేశ్ ఇప్పటివరకు స్పందించలేదు.