AP Election Results | ఏపీ ఫలితాలపై కోమటిరెడ్డి రాజగోపాల్రెడ్డి ఆసక్తికర వ్యాఖ్యలు చేశారు. ఏపీలో ఎవరు గెలుస్తారో చెప్పలేని పరిస్థితి ఉందని అన్నారు. శనివారం ఉదయం సతీసమేతంగా తిరుమల శ్రీవారిని దర్శించుకున్నారు. ఈ సందర్భంగా కోమటిరెడ్డి మీడియాతో మాట్లాడుతూ.. ఏపీ ప్రజలు రెండోసారి వైసీపీకి పట్టం కట్టబోతున్నారా? లేక మార్పు కోరుకుంటున్నారా? అనేది అర్థం కావడం లేదని తెలిపారు. ఆంధ్రా ఫలితాల కోసం ప్రజలందరూ ఉత్కంఠతో ఎదురుచూస్తున్నారని అన్నారు.
ఏపీలో మొదటిసారి ప్రజల నాడి అంతుపట్టడం లేదని రాజగోపాల్ రెడ్డి అన్నారు. కేంద్రంలో ఈసారి బీజేపీ అధికారంలోకి రావడం ఈజీ కాదని అభిప్రాయపడ్డారు. దేశవ్యాప్తంగా మొదట్లో బీజేపీ హవా కొనసాగిందని.. ఆ తర్వాత ఉత్తరాదిన కాంగ్రెస్, ఇండియా కూటమి బాగా పుంజుకుందని తెలిపారు. తెలంగాణలో బహుశా కాంగ్రెస్, బీజేపీ మధ్య హోరాహోరీ పోరు జరిగిందన్నారు. కాంగ్రెస్ కచ్చితంగా 10 ఎంపీ స్థానాల్లో గెలుస్తుందని తెలిపారు.