హైదరాబాద్, జూన్ 4 (నమస్తే తెలంగాణ): ఆంధ్రప్రదేశ్ అసెంబ్లీ ఎన్నికల్లో ఓటమిపై సీఎం వైఎస్ జగన్మోహన్రెడ్డి భావోద్వేగానికి గురయ్యారు. ఫలితాల ముగిసిన అనంతరం తాడేపల్లి క్యాంపు కార్యాలయంలో జగన్ మీడియా సమావేశం నిర్వహించారు. తీవ్ర భావోద్వేగానికి గురైన జగన్.. గద్గద స్వరంతో మాట్లాడుతూ ప్రజాతీర్పును అంగీకరిస్తున్నట్టు చెప్పారు. ఫలితాలు చూస్తుంటే ఆశ్చర్యమేస్తున్నదని, ఇలాంటి ఫలితాలు వస్తాయని ఊహించలేదని అన్నారు. ‘అమ్మ ఒడి అందుకున్న 53 లక్షల మంది తల్లులకు మ ంచి చేశాం. పిల్లలు బాగుండాలని, వారి చదువులు బాగుండాలని అడుగులు వేశాం. ఆ అకచెల్లెమ్మల ఓట్లు ఏమయ్యాయో తెలీదు. 66 లక్షల మంది అవ్వాతాతలు, వితంతువు లు, దివ్యాంగులకు మంచి చేశాం. వారి కష్టా ల్లో తోడుగా ఉంటూ, వారి ఇంటికే పింఛన్లు అందించే వ్యవస్థను తీసుకొచ్చాం.
చాలీచాలని పింఛనును పెంచి మంచి చేసినా ఆ అవ్వాతాతల ఆప్యాయత ఏమైందో తెలియదు. దాదాపు కోటి మంది పొదుపు సంఘాల అకాచెల్లెమ్మలకు అండగా ఉన్నాం. ఆసరా, సున్నా వడ్డీ, చేయూతలతో వారికి తోడుగా నిలిచాం. ఆ కోటీ 5 లక్షల మంది అకాచెల్లెమ్మల ప్రేమాభిమానాలు ఏమయ్యాయో! తెలీదు. 54 లక్షల మంది రైతన్నలకు గతంలో ఎప్పుడూచూడని విధంగా పెట్టుబడి సాయం అందించాం. రైతు భరోసాతో అండగా నిలిచాం. పంటల బీమా, ఉచిత విద్యుత్తు అందించాం. ఆ రైతన్నల ప్రేమ ఏమైందో తెలీదు.’ అని ఆవేదన వ్యక్తం చేశారు. కూటమిలోని చంద్రబాబుకు, పవన్కల్యాణ్కు అభినందనలు తెలిపారు.
హైదరాబాద్, జూన్ 4 (నమస్తే తెలంగాణ): ఏపీ అసెంబ్లీ ఎన్నికల్లో వైసీపీ ఓటమి చెందటంతో తిరుమల తిరుపతి దేవస్థానం చైర్మన్ పదవికి భూమన కరుణాకర్రెడ్డి రాజీనామా చేశారు. మంగళవారం సాయంత్రం తన రాజీనామా లేఖను టీటీడీ ఈవో ఏవీ ధర్మారెడ్డికి అందజేశారు.