అమరావతి : ఏపీ ముఖ్యమంత్రి చంద్రబాబు నాయుడు (Chandrababu) శుక్రవారం సాయంత్రం ఢిల్లీ బయలుదేరి వెళ్లారు. శనివారం ఢిల్లీలో జరుగునున్న నీతి ఆయోగ్ (NITI Aayog ) సమావేశానికి హాజరయ్యేందుకు వెళ్లారు. ఈ సమావేశంలో పోలవరం (Polavaram) కొత్త డయాఫ్రమ్ వాల్ నిర్మాణ ప్రతిపాదనలు, అమరావతి రాజధాని (Amaravati Captial) నిర్మాణ ప్రతిపాదనలపై బాబు చర్చించనున్నారు.
ఐదురోజుల పాటు కొనసాగిన ఏపీ అసెంబ్లీ సమావేశాలు ముగియడంతో ఆయన ఢిల్లీ (Delhi) పర్యటనను ఫిక్స్ చేసుకున్నారు. ఇటీవల ప్రవేశపెట్టిన కేంద్ర బడ్జెట్లో ప్రాధాన్యం ఇవ్వడం పట్ల ప్రధాని నరేంద్ర మోదీ(Narendra Modi), ఆర్థిక మంత్రి నిర్మలా సీతారామన్ ( Nirmala Sitaraman) ను కలిసి కృతజ్ఞతలు తెలిపే అవకాశముంది . వెనుకబడ్డ ప్రాంతాల అభివృద్ధికి , కారిడార్ల నిర్మాణానికి నిధులు, విశాఖ స్టీల్ ప్లాంట్కు నిధులు కేటాయించిన విషయం తెలిసిందే . వీటితో పాటు మరికొన్ని పథకాలకు చంద్రబాబు నిధులు కోరే అవకాశముంది .