అమరావతి : ఏపీలోని మంగళగిరిలో ఉన్న టీడీపీ కేంద్ర కార్యాలయంలో టీడీపీ అధ్యక్షుడు చంద్రబాబు నాయుడు (Chandra Babu) ఎన్టీఆర్ విగ్రహానికి నివాళి అర్పించారు. మంగళవారం వెలువడ్డ ఎన్నికల్లో ఫలితాల్లో కూటమి ఘన విజయం దిశగా సాగుతుండడంతో హైదరాబాద్ నుంచి ప్రత్యేక విమానంలో విజయవాడకు చేరుకున్న బాబుకు టీడీపీ(TDP) శ్రేణులు ఘనస్వాగతం పలికారు. ఈ సందర్భంగా పార్టీ కార్యాలయంలో ప్రజలకు అభివాదం తెలుపుతూ పార్టీ కార్యాలయంలోకి వెళ్లారు. ఎన్టీఆర్ (NTR) విగ్రహానికి పూలమాలలు వేసి నివాళి అర్పించారు.
అంతకుముందు హైదరాబాద్లోని నివాసంలో కుటుంబ సభ్యులతో కలిసి ఆనందోత్సవాలను జరుపుకున్నారు. భార్య భువనేశ్వరి, కొడుకు నారా లోకేష్, కోడలు బ్రాహ్మణి, మనవడు, తదితరులతో కలిసి కేక్ కట్ చేసి సంబురాలు జరుపుకున్నారు. రాష్ట్ర వ్యాప్తంగా టీడీపీ, బీజేపీ, జనసేనలు 175 స్థానాలున్నా అసెంబ్లీ స్థానాల్లో ఇప్పటి వరకు టీడీపీ 119 స్థానాలు, జనసేన 20, బీజేపీ 7 స్థానాల్లో విజయం సాధించగా, 8చోట్ల అధికార వైసీపీ గెలుపొందింది .