అమరావతి : ఈనెల 4న ఏపీ ఎన్నికల ఓట్ల లెక్కి్ంపు (Counting) పటిష్టవంతంగా నిర్వహించాలని ఏపీ ఎన్నికల ప్రధానాధికారి ముఖేశ్కుమార్ మీనా (CEO MK Meena) ఎన్నికల సిబ్బంది కీలక ఆదేశాలు జారీ చేశారు. ఓట్ల లెక్కింపులో పొరపాట్లకు తావివ్వవొద్దని సూచించారు. ఆదివారం సచివాలయం నుంచి రిటర్నింగ్ అధికారులతో నిర్వహించిన వీడియో కాన్ఫరెన్స్ (Video Conference) లో ఎన్నికల అధికారులకు, సిబ్బందికి పలు సూచనలు చేశారు.
కచ్చితమైన ఫలితాలను త్వరితగతిన ప్రకటించేందుకు అన్ని ఏర్పాట్లు చేసుకోవాలని పేర్కొన్నారు. ఎన్నికల సిబ్బంది ర్యాండమైజేషన్, పోస్టల్ బ్యాలెట్ల లెక్కింపు, ఈవీఎంలలో పోలైన ఓట్ల లెక్కింపునకు చేపట్టాల్సిన వివరాలపై సూచనలు చేశారు. రౌండ్ల వారీగా ఫలితాల ట్యాబులేషన్, ఎన్కోర్లో ఫీడింగ్, అందుకు అవసరమైన ఐటీ సిస్టంల ఏర్పాటుపై చర్చించారు.
ఓట్ల లెక్కింపు ముగిసిన తరువాత ఈవీఎం (EVM) లను సీల్ చేసే విధానంపై అవగాహన, స్టేట్యుటరీ నివేదిక, రౌండ్ వైజ్ నివేదికలు పంపించేందుకు ప్రత్యేక బృందం ఏర్పాటు చేసుకోవాలని సూచించారు. కౌంటింగ్ రోజున మూడంచెల పటిష్ట భద్రతాను ఏర్పాటు చేసుకోవాలని ఆయన వెల్లడించారు.