Srisailam | శ్రీశైలంలోని గణేష్ సదన్ వెనకాల అడవిలో జూదం ఆడుతున్న వ్యక్తులపై పోలీసులు కేసు నమోదు చేశారు. కొందరు వ్యక్తులు గుంపులుగా కూర్చుని డబ్బులతో జూదం ఆడుతున్నారు. ఈ సంగతి తెలియడంతో స్థానిక పోలీస్ ఇన్స్పెక్టర్ జీ ప్రసాదరావు గురువారం తన సిబ్బంది రఘునాథుడు, అమర్నాథ్ రెడ్డి, మహేష్, నారాయణ, బాలకృష్ణ, శంకర్ సాయంతో 20 మంది వ్యక్తులపై కేసు నమోదు చేశారు. వీరంతా శ్రీశైలం వాసులని ఇన్స్పెక్టర్ ప్రసాదరావు తెలిపారు. వారి వద్ద నుంచి పేకలు, రూ.1,21,190, ఎనిమిది ద్విచక్ర వాహనాలు, ఒక ఆటో స్వాధీనం చేసుకున్నారు.
జూదం ఆడుతున్న వారిలో చంద్రగుంట్ల వెంకట లింగం, బోయపాటి మధు, కల్లూరి అనిల్, తెలుగు నాగలింగం, మూల మల్లారెడ్డి, చందమాల సురేష్ కుమార్, దూదేకుల కాశి, షేక్ నిరంజన్, దూదేకుల పెద్ద మూర్తుజావళి, జడ దొడ్డి సురేంద్ర, సయ్యద్ ముర్హ్తుజావాలి, దంసాని శ్రీను, అంబపాటి జనార్ధన్ రెడ్డి, ప్రసాద్, నవీన్, ఐ మల్లి, చిన్న ముత్తు, నరేష్, నాగమల్లికార్జున, మల్లికార్జున నాయక్ ఉన్నారని పోలీసులు తెలిపారు.