అమరావతి : ఆంధ్రప్రదేశ్ శాసనసభ స్పీకర్గా నామినేషన్ దాఖలు చేసిన మాజీ మంత్రి, ఎమ్మెల్యే అయ్యన్నపాత్రుడు(Ayyanna patrudu ) ఏకగీవ్రంగా ఎన్నికయ్యారు. గడువులోగా ఒకే ఒక నామినేషన్ (Nomination) రావడంతో ఏకగ్రీవం ( unanimous ) గా ఎన్నికైనట్లు అసెంబ్లీ కార్యదర్శి ప్రకటించారు.
శుక్రవారం అసెంబ్లీలో ఎమ్మెల్యేగా పదవి ప్రమాణ కార్యక్రమం అనంతరం ఆయన మీడియాతో మాట్లాడారు. తన రాజకీయ జీవితంలో ఎన్నో పదవులు చూసానని, ఇక ఆఖరి దశలో స్పీకర్(Speaker) పదవి దక్కడం అరుదైన విషయమని అన్నారు. 1983లో రాజకీయంలోకి ప్రవేశించానని, ఈ 42 ఏళ్ల ప్రయాణంలో పలుమార్లు మంత్రి పదవులను అలంకరించానని పేర్కొన్నారు. ప్రస్తుతం ముఖ్యమంత్రి చంద్రబాబు(Chandra Babu), డిప్యూటీ సీఎం పవన్కల్యాణ్ , బీజేపీ నాయకులు తన పేరును సూచిస్తూ స్పీకర్ పదవికి నామినేషన్ వేయడం అభినందనీయమని అన్నారు.
నాకు గౌరవమైన పోస్టు ఇచ్చినందుకు గౌరవంగా మెలుగుతానని వెల్లడించారు. స్పీకర్ సీటులో కూర్చున తరువాత పార్టీ గుర్తుకు రావొద్దని అభిప్రాయం వ్యక్తం చేశారు. అసెంబ్లీలో ప్రతిపక్ష హోదా లేనప్పటికీ తాము అందరినీ గౌరవవిస్తామని స్పష్టం చేశారు. సభ్యులకు మాట్లాడే అవకాశం కల్పిస్తానని, అవసరమైనే వారికి శిక్షణ కూడా ఇస్తామని తెలిపారు. ప్రజలు తమకు పదవులు ఇవ్వలేదని, బాధ్యత ఇచ్చారని , ఆ బాధ్యతను సక్రమంగా నెరవేర్చుతానని అన్నారు.