అమరావతి : పల్నాడు జిల్లాలో బుధవారం అర్ధరాత్రి జరిగిన రోడ్డు ప్రమాదం (Road Accident) లో ఆరుగురు సజీవదహనం ఘటనపై ఏపీ సీఎం జగన్ మోహన్రెడ్డి (AP CM Jagan) విచారం వ్యక్తం చేశారు. ఈ ప్రమాదంలో మృతి చెందిన కుటుంబాలకు సంతాపం తెలిపారు. బాధిత కుటుంబాలకు అండగా నిలుస్తామని ఆయన హామీ ఇచ్చారు. ఆసుపత్రుల్లో చికిత్సపొందుతున్న క్షతగాత్రులు త్వరగా కోలుకోవాలని ఆకాంక్షించారు.
హైదరాబాద్ (Hyderabad) లో నివాసముంటున్న 40 మంది ఓటర్లు ఎన్నికల్లో ఓటుహక్కును వినియోగించుకునేందుకు వెళ్లి తిరిగి వస్తుండగా ఈ ప్రమాదం చోటు చేసుకుంది. వారు ప్రయాణిస్తున్న బస్సును కంకర టిప్పర్ ఢీకొట్టడంతో టిప్పర్లో మంటలు చెలరేగి బస్సుకు కూడా అంటుకున్నాయి. ఈ ప్రమాదంలో ఐదుగురు సజీవదహనం కాగా మరోకరు చికిత్సపొందుతూ మృతి చెందారు. మరో 20 మంది తీవ్రంగా గాయపడ్డారు. మృతుల్లో ఎక్కువగా నీలాయపాలెం గ్రామానికి చెందిన వారే అధికంగా ఉన్నారు.