అమరావతి : ఈనెల 16న ఏపీ కేబినెట్(AP Cabinet ) సమావేశం జరగనుంది. సీఎం చంద్రబాబు నాయుడు (Chandra Babu) అధ్యక్షతన ఉదయం 11 గంటలకు సెక్రటేరియట్లోని ఫస్ట్ బ్లాక్లో రాష్ట్ర మంత్రివర్గం భేటీ కానుంది. ఇప్పటికే కేబినెట్ భేటీకి సంబంధించి మంత్రులకు సమాచారం కూడా వెళ్లింది. ప్రభుత్వం అమలు చేసే పథకాలు, ఎన్నికల హామీలు, రాష్ట్ర ఆర్థిక పరిస్థితిపై కూడా భేటీలో చర్చించే అవకాశం ఉన్నట్లు తెలుస్తోంది.
కేబినెట్ సమావేశంలో చర్చించే అంశాలను ఈ నెల 11న సాయంత్రం 4 గంటల లోపు శాఖలవారీగా అందజేయాలని అధికారులను ఆదేశించింది. ఈనెల 22 నుంచి అసెంబ్లీ సమావేశాలు (Assembly meetings) కానున్నాయి. వీటిని ఐదు రోజుల పాటు నిర్వహించే అవకాశముంది. తొలిరోజు ఉభయ సభలను ఉద్దేశించి గవర్నర్ అబ్దుల్ నజీర్ ప్రసంగం, తరువాత రోజుల్లో గవర్నర్ ప్రసంగంపై చర్చ, ధన్యవాద తీర్మానం ప్రవేశ పెట్టనున్నారు.