అమరావతి : ఆంధ్రప్రదేశ్లో రుణయాప్నకు బలైన దంపతుల ఘటన మరువకముందే మరో ఘటన చోటు చేసుకోవడం కలకలం రేపుతుంది. పల్నాడు జిల్లా దాచేపల్లి మండలం నారాయణపురంలో శివరాత్ని శివ(20) అనే యువకుడు రుణయాప్ నిర్వాహకుల వేధింపులకు ఆత్మహత్య చేసుకున్నాడు. రుణయాప్ ద్వారా రూ. 8వేలు తీసుకున్న రూ. 24 వేలు కట్టాలని నిర్వాహకులు ఒత్తిళ్లు చేశారు. దీంతో అతడు తాళలేక ఇంట్లో ఉరివేసుకుని ఆత్మహత్య చేసుకున్నాడు. యాప్ యాజమాన్యంపై చర్యలు తీసుకోవాలని బంధువులు పోలీసు స్టేషన్లో ఫిర్యాదు చేశారు
. ఈ మేరకు పోలీసులు కేసు నమోదు చేసుకుని దర్యాప్తు చేస్తున్నారు. ఇటీవల రాజమండ్రిలో రుణయాప్ నిర్వాహకుల వేధింపులకు దుర్గారావు దంపతులు పురుగుల మందు తాగి ఆత్మహత్య చేసుకున్నారు. వీరి చిన్నారులు అనాథలుగా మారడంతో ఏపీ సీఎం జగన్ విచారం వ్యక్తం చేశారు. వెంటనే రాష్ట్రంలోని రుణయాప్లపై కఠిన చర్యలు తీసుకోవాలని ఆదేశాలు జారీ చేసిన రెండో రోజే పల్నాడులో ఈ ఘటన జరగడం సంచలనం కలిగించింది.