Summer Holidays | పాఠశాల విద్యార్థులకు ఏపీ విద్యాశాఖ గుడ్న్యూస్ చెప్పింది. ఈ నెల 24వ తేదీ నుంచి రాష్ట్రంలోని అన్ని స్కూళ్లకు వేసవి సెలవులు ఇస్తూ నిర్ణయం తీసుకుంది. జూన్ 11వ తేదీ వరకు ఈ సెలవులు కొనసాగుతాయని తెలిపింది. ఈ మేరకు మంగళవారం నాడు ఏపీ విద్యాశాఖ ఉత్తర్వులు జారీ చేసింది. 2024-25 విద్యా సంవత్సరానికి గానూ జూన్ 12వ తేదీన పాఠశాలలు పునః ప్రారంభమవుతాయని ఉత్తర్వుల్లో పేర్కొంది. ఏపీ విద్యాశాఖ విడుదల చేసిన ఉత్తర్వుల ప్రకారం ఈ నెల 23వ తేదీన ఏపీలోని అన్ని స్కూళ్లకు చివరి పనిదినంగా ఉండనుంది.
విద్యా శాఖ ఉత్తర్వుల ప్రకారం ఏపీలో 50 రోజుల పాటు స్కూళ్లకు వేసవి సెలవులు ఉండనున్నాయి. ఇక ఎండల దృష్ట్యా మార్చి 18వ తేదీ నుంచి ఏపీలో ఒంటిపూట బడులను నిర్వహిస్తున్నారు. ఉదయం 7.45 గంటల నుంచి మధ్యాహ్నం 12.30 గంటల వరకు మాత్రమే తరగతులు జరుగుతున్నాయి. తాజాగా వేసవి సెలవులు ప్రకటించిన నేపథ్యంలో ఏప్రిల్ 23వ తేదీ నాటికి పరీక్షలను పూర్తి చేసి సెలవులు ఇవ్వనున్నారు.