అమరావతి : ఆంధ్రప్రదేశ్ ముఖ్యమంత్రి నారా చంద్రబాబు నాయుడు సతీమణి చొరవతో విమాన ప్రయాణికుడికి (Air passenger) సకాలంలో వైద్యం సహాయం అందింది . బుధవారం హైదరాబాద్ (Hyderabad) నుంచి తిరుపతి (Triupati) వస్తున్న విమానంలో శశిధర్ అనే ప్రయాణికుడు తీవ్ర అస్వస్థతకు గురయ్యాడు. శ్వాస తీసుకోవడానికి ఇబ్బంది పడుతుండడంతో సహచర ప్రయాణికులు ఆందోళనకు లోనయ్యారు.
అదే విమానంలో ప్రయాణిస్తున్న నారా భువనేశ్వరి (Nara Bhuvaneshwari) ప్రయాణికుడి అవస్థను గమనించి వెంటనే సీఎంవో కార్యాలయానికి సమాచారం చేరవేశారు. దీంతో సీఎంవో(CMO) అధికారులు తిరుపతిలోని రేణిగుంట విమానాశ్రయ అధికారులకు, వైద్యశాఖ అధికారులను అప్రమత్తం చేశారు. విమానం రేణిగుంట విమానశ్రయానికి రాగానే వైద్యులు విమానం వద్దకే అంబులెన్స్ను తీసుకొచ్చారు. అస్వస్థతో బాధపడుతున్న ప్రయాణికుడికి సకాలంలో వైద్యం అందించడంతో ప్రయాణికుడు శశిధర్ కోలుకున్నాడు.