విజయవాడ: ఆంధ్రప్రదేశ్ పదో తరగతి పరీక్షల ఫలితాల్లో మరోసారి బాలికలే పైచేయి సాధించారు. పదోతరగతి వార్షిక పరీక్షల ఫలితాలను ఏపీ పాఠశాల విద్యాశాఖ కమిషనర్ సురేశ్ కుమార్ విడుదల చేయనున్నారు. పరీక్షల్లో 84.69 శాతం మంది ఉత్తీర్ణులయ్యారు. ఇందులో బాలురు 84.34 శాతం మంది ఉత్తీర్ణులవగా, బాలికలు 89.17 శాతం మంది పాసయ్యారు.
మార్చి 18 నుంచి 30 వరకు పరీక్షలను నిర్వహించారు. దాదాపు 7 లక్షల మంది విద్యార్థులు హాజరయ్యారు. వారిలో 5 లక్షల 34 వేల మంది ఉత్తీర్ణులయ్యారు. ఇక రాష్ట్రంలోని 2300 స్కూళ్లలో 100 శాతం ఉత్తీర్ణత నమోదయింది. 17 స్కూళ్లలో ఒక్కరుకూడా పాస్ కాలేదు. విద్యార్థులు తమ ఫలితాలను అధికారిక వెబ్సైట్లు bse.ap.gov.in, results.bse.ap.gov.inలో చూసుకోవచ్చు.