అమరావతి : ఆంధ్రప్రదేశ్ శాసనసభ (Andhra Pradesh Assembly) కు ఎన్నికైన శాసనసభ్యులు(MLAs) శుక్రవారం అసెంబ్లీలో ప్రమాణ స్వీకారం చేశారు. అసెంబ్లీలో మొత్తం 175 మంది ఎమ్మెల్యేలకు గాను తొలిరోజు 172 మంది ఎమ్మెల్యేలు ప్రమాణం చేశారు .ముగ్గురు వినుకొండ ఎమ్మెల్యే జీవీ ఆంజనేయులు, ఆచంట ఎమ్మెల్యే పితాని, కాకినాడ అర్బన్ ఎమ్మెల్యే వనమాడి వేంకటేశ్వరరావు అందుబాటులో లేకపోవడంతో వారిచే శనివారం ప్రమాణం చేయించనున్నారు.
సీఎం చంద్రబాబు(CM Chandra Babu), ఉపముఖ్యమంత్రి పవన్ కల్యాణ్(PawanKalyan) ఎమ్మెల్యేలుగా ప్రమాణస్వీకారం చేశారు. ప్రొటెం స్పీకర్ హోదాలో ఎమ్మెల్యే గోరంట్ల బుచ్చయ్య చౌదరి వారితో ప్రమాణం చేయించారు. తర్వాత అచ్చెన్నాయుడు, వంగలపూడి అనిత ప్రమాణం చేశారు. వరుసగా మంత్రులు, ఎమ్మెల్యేలందరితో స్పీకర్ ప్రమాణం చేయించారు. వైసీపీ నాయకుడు, మాజీ సీఎం వైఎస్ జగన్తో పాటు వైసీపీ ఎమ్మెల్యేలు ప్రమాణం చేశారు.