మంచిర్యాల, జూలై 25(నమస్తే తెలంగాణ ప్రతినిధి) : తెలంగాణ వర ప్రదాయని కాళేశ్వరం ప్రాజెక్టు సందర్శనలో భాగంగా బీఆర్ఎస్ ఎమ్మెల్యేలు, ఎమ్మెల్సీలు నేడు మంచిర్యాల జిల్లాకు రానున్నారు. మేడిగడ్డ బ్యారేజ్ను సందర్శించిన అనంతరం క్యాతన్పల్లిలోని మాజీ ఎమ్మెల్యే బాల్క సుమన్ నివాసానికి చేరుకోనున్నారు. అక్కడ మధ్యాహ్న భోజనం చేయనున్నారు. ఈ సందర్భంగా బీఆర్ఎస్ వర్కింగ్ ప్రెసిడెంట్ కేటీఆర్, మాజీ మంత్రి హరీశ్రావు అధ్యక్షతన మీడియా సమావేశం నిర్వహించనున్నట్లు బీఆర్ఎస్ జిల్లా పార్టీ వర్గాలు ఒక ప్రకటనలో పేర్కొన్నాయి.