ఎదులాపురం, జూన్ 30 : ఆదిలాబాద్ పట్టణంలోని దుర్గనగర్కు చెందిన సాయి శ్రీ సరస్వతి, రూరల్ మండలంలోని భీంసారి గ్రామానికి చెందిన లింగాల నరేశ్లు గతేడాది ప్రేమ వివాహం చేసుకున్నారు. కొద్ది రోజులుగా నరేశ్ పనిచేయకుండా ఖాళీగా ఉంటున్నాడు. ఈ మధ్య మద్యానికి బానిసయ్యాడు. భార్యాభర్తల మధ్య తరచూ గొడవలు జరుగుతున్నాయి.
ఈ క్రమంలో శనివారం రాత్రి సరస్వతి ఇంట్లో ఉరివేసుకుని ఆత్మహత్యకు పాల్పడింది. సరస్వతి తల్లి అరుణ ఫిర్యాదు మేరకు భర్త, అత్త రాధ, మరిది హరీశ్లపై కేసు నమోదు చేసి దర్యాప్తు చేస్తున్నట్లు ఎస్ఐ ముజాహిద్ తెలిపారు. ప్రేమ పెళ్లి చేసుకుని యేడాదికే అనుమానాస్పదంగా మృతి చెందడంతో కుటుంబ సభ్యులు కన్నీరుమున్నీరయ్యారు.