శ్రీరాంపూర్, జూలై 18 : సింగరేణి గనులను ప్రైవేట్ సంస్థలకు అప్పగించాలని చూస్తున్న కేంద్ర బీజేపీ, రాష్ట్ర కాంగ్రెస్ ప్రభుత్వాల వైఖరిని నిరసిస్తూ కార్మికులు, కార్మిక సంఘాల నాయకులు గురువారం హైదరాబాద్లోని రాజ్భవన్ను ముట్టడించారు. ఏఐటీయూసీ అధ్యక్షుడు వీ సీతారామయ్య, రాష్ట్ర అధ్యక్షుడు యూసఫ్, డిప్యూటీ ప్రధాన కార్యదర్శులు వీరభద్రయ్య, సమ్మయ్య, బ్రాంచ్ కార్యదర్శి బాజీసైదా, టీబీజీకేఎస్ అధ్యక్షుడు రాజిరెడ్డి, రాష్ట్ర ప్రధాన కార్యదర్శి కాపు శ్రీనివాస్, రాష్ట్ర అధ్యక్షుడు టీఆర్ఎస్కేవీ రాంబాబు, సీఐటీయూ రాష్ట్ర ప్రధాన కార్యదర్శి మందా నర్సింహారావులు, కార్మికులతో కలిసి రాజ్భవన్ వద్ద ధ ర్నా చేస్తుండగా పోలీసులు కర్కశంగా వ్యవహరించారు. వారిపై లాఠీచార్జి చేశారు.
బలవంతంగా అరెస్టు చేసి పోలీస్స్టేషన్కు తరలించారు. కార్మికులు కేంద్ర, రాష్ట్ర ప్రభుత్వాలకు వ్యతిరేకంగా నినాదాలు చేశారు. ఈ సందర్భం గా నాయకులు మాట్లాడుతూ బొగ్గు బ్లాకుల ను సింగరేణికి కేటాయించాలని, అప్పటి వర కూ పోరాటం ఆగదన్నారు. నామినేషన్ పద్ధతిలో సింగరేణికే గనులు కేటాయించాలని డిమాండ్ చేశారు. గనులను ప్రైవేట్ సంస్థలకు అప్పగిస్తే ఉద్యోగ భద్రత ఉండదని, రాష్ట్ర ప్రభుత్వం ప్రజలపై విద్యుత్ బిల్లుల భారం మోపే ప్రమాదముందని ఆరోపించారు. ప్రభు త్వరంగ పరిశ్రమ సింగరేణి సంస్థను నిర్వీర్యం చేసే కుట్రను వెంటనే విరమించుకోవాలని డిమాండ్ చేశారు. కార్యక్రమంలో టీబీజీకేఏస్ ఏరియా ఉపాధ్యక్షుడు గడప రాజయ్య, శ్రీనివాస్, కరిణ్, నాగెల్లి, పవణ్, అవినాశ్, ఏఐటీయూసీ ఉపాధ్యక్షుడు కొట్టె కిషన్రావు, నాయకులు అఫ్రోజ్ఖాన్, కొమరయ్య ఉన్నారు.
కాసిపేట, జూలై 18 : ఏఐటీయూసీ నాయకుల అరెస్ట్లను తీవ్రంగా ఖండిస్తున్నామని ఏఐటీయూసీ నాయకులు పేర్కొన్నారు. రాజ్ భవన్ ముట్టడికి వెళ్లిన ఏఐటీయూసీ రాష్ట్ర అధ్యక్షుడు ఎండీ యూసఫ్, ఎస్సీడబ్ల్యూ యూ అధ్యక్షుడు సీతారామయ్యతో పాటు సెం ట్రల్ వైస్ ప్రెసిడెంట్ మిట్టపల్లి వెంకటస్వామి, బెల్లంపల్లి బ్రాంచ్ సెక్రటరీ దాగం మల్లేశ్, వైస్ ప్రెసిడెంట్ బియ్యాల వెంకటస్వామి, బ్రాంచ్ సహాయ సెక్రటరీ తిరుపతి గౌడ్, సూరంపూడి నాగేశ్వరావు, కాసిపేట్ మైన్ పిట్ సెక్రటరీ మీనుగు లక్ష్మీనారాయణ, ఆఫీస్ బేరర్ మంతెన రమేశ్, బెల్లంపల్లి ఏరియా హాస్పిటల్ అసిస్టెంట్ పిట్ సెక్రటరీ పుట్ట శ్రీనివాస్ను అరెస్ట్ చేసి చికడపల్లి పోలీస్స్టేషన్కు తరలించడాన్ని వ్యతిరేకిస్తున్నట్లు పేర్కొన్నారు. గనుల ప్రైవేటీకరణపై నల్ల బ్యాడ్జీలతో నిరసన తెలిపినా, జీఎం ఆఫీస్లు ముట్టడించినా, కలెక్టర్లకు వినతిపత్రాలు అందించినా ఎలాంటి స్పందన రాలేదని, అందుకే రాజ్భవన్ ముట్టడికి పిలుపునిచ్చినట్లు వారు తెలిపారు.