చెన్నూర్, నవంబర్ 10 : చెన్నూర్ నియోజకవర్గంతో పాటు పట్టణంలో చేపట్టిన అభివృద్ధిని చూసి మరోసారి ఆశీర్వదించాలని బీఆర్ఎస్ పార్టీ ఎమ్మెల్కే అభ్యర్థి బాల్క సుమన్ పిలుపునిచ్చారు. శుక్రవారం చెన్నూర్ పట్టణంలోని 11వ వార్డు నడిమిగూడెంలో ఎంపీ బోర్లకుంట వెంకటేశ్నేతకానితో కలిసి ఇంటింట ప్రచారం చేశారు. ఈ సందర్భంగా ఆయన మాట్లాడుతూ పట్టణంలో రూ.వంద కోట్లతో చేపట్టిన అభివృద్ధి మీ కళ్లముందే ఉందన్నారు. మున్సిపల్ కార్యాలయం నుంచి మారెమ్మవాడకు రూ 5.70 కోట్లతో రోడ్డు, బైరిసత్తయ్య ఇంటి నుంచి జాతీయ రహదారి వరకు రూ 3.20 కోట్లతో రోడ్డు నిర్మిస్తున్నామని తెలిపారు.
రూ. 4 కోట్లతో అనంతయ్యకుంటను మినీ ట్యాంకు బండ్గా తీర్చి దిద్దామని తెలిపారు. వార్డుల పరిధిలోని అంతర్గత రహదారుల ని ర్మాణం కోసం నిధుల మంజూరయ్యాయని చెప్పారు. చెన్నూర్ పట్టణాన్ని గతంలో ఎవరూ పట్టించుకోలేదన్నారు. భవిష్యత్లో విద్యుత్ కష్టా లు ఉండవద్దనే ఉద్దేశంతో రూ.కోటితో ఇదే వార్డు పరిధిలో సబ్ స్టేషన్ నిర్మిస్తున్నామని పేర్కొన్నారు. కరోనా కాలంలోనూ అభివృద్ధి ఆగలేదని, పెద్ద మొత్తంలో నిధులు తెచ్చి పట్టణాన్ని సర్వాంగ సుందరంగా తీర్చిదిద్దానని తెలిపారు. కాంగ్రెస్ పార్టీ నుంచి పలువురు యువకులు బీఆర్ఎస్లో చేరగా, వారికి కండువాలు కప్పి పార్టీలోకి ఆహ్వానించారు. మున్సిపల్ వైస్ చైర్మన్ నవాజొద్దీన్, కౌన్సిలర్ దోమకొండ అనిల్, బీఆర్ఎస్ నాయకుడు పెండ్యాల లక్ష్మణ్ పాల్గొన్నారు.