ఆసిఫాబాద్ అంబేదర్చౌక్, జూలై 23: రాష్ట్రంలో కాంగ్రెస్ ప్రభుత్వం ఏర్పడి 7 నెలలైనా ఇప్పటి వరకు ఆసిఫాబాద్ నియోజకవర్గానికి నయా పైసా ఇవ్వలేదని, కేంద్రం నుం చి వచ్చిన నిధులను కూడా ఇవ్వడం లేదని ఎమ్మెల్యే కోవ లక్ష్మి విమర్శించారు. మంగళవారం అసెంబ్లీ సమావేశాలకు వెళ్తూ హైదరాబాద్లోని గన్ పార్ వద్ద బీఆర్ఎస్ వరిం గ్ ప్రెసిడెంట్ కేటీఆర్, మాజీ మంత్రి తన్నీరు హరీశ్రావు, ఎమ్మెల్యేలతో కలిసి నివాళులర్పించారు. అనంతరం మీడియాతో మాట్లాడుతూ ఆసిఫాబాద్ నియోజకవర్గానికి కేంద్ర ప్రభుత్వం రూ.500 కోట్లు మంజూరు చేస్తే వాటిని నియోజకవర్గానికి ఇవ్వకుండా ఆపుతున్నారని దీంతో గ్రామ పంచాయతీల్లో కనీసం పారిశుధ్య పనులకు కూడా నోచుకోవడం లేదన్నారు. తన సొంత ఖర్చులతో రెండు, మూడు గ్రామ పంచాయతీలకు పారిశుధ్య నిర్వహణకు నిధులు అందజేసినట్లు తెలిపారు. రాష్ట్ర ప్రభుత్వానికి నియోజకవర్గంపై చిత్తశుద్ధి ఉంటే వెంటనే నిధులు విడుదల చేయాలని డిమాండ్ చేశారు.