హాజీపూర్, మే 3 : కాంగ్రెస్ పార్టీ నేతలు పార్లమెంట్ ఎన్నికల నియమావళిని ఉల్లంఘి స్తూ.. ఇష్టారాజ్యంగా వ్యవహరిస్తున్నారనడానికి గురువారం రాత్రి మంచిర్యాల జిల్లా హాజీపూర్ మండలం నర్సింగాపూర్లో జరిగి న ఘటనే ఇందుకు సజీవ సాక్ష్యంగా నిలుస్తున్నది. నర్సింగాపూర్ గ్రామంలో మంచిర్యాల ఎమ్మెల్యే కొక్కిరాల ప్రేమ్సాగర్రావు గురువారం రాత్రి దాదాపు 11 గంటల దాకా ఎన్నికల ప్రచారం నిర్వహించారు.
ఇదే పీఎస్సార్ రంజాన్ పండుగ రోజున ఈద్గాలోకి వెళ్లి చెయ్యి గుర్తుకు ఓటేయాలని ప్రచారం నిర్వహించిన విషయం విదితమే. అలాగే శ్రీరామ నవమి రోజున ఓ ఆలయానికి రూ. లక్ష విరాళం ప్రకటించారు. ఈ విషయమై ఎన్నికల సంఘం కేసులు నమోదు చేసింది. గురువారం రాత్రి నిర్వహించిన ప్రచారంపై మరి ఏ విధంగా స్పందిస్తుందో చూడాలి మరి.