సిర్పూర్ (యూ), మే 15 : ఇంటింటికీ తాగునీరందించేందుకు గత బీఆర్ఎస్ ప్రభుత్వం కోట్లాది రూపాయల ఖర్చుతో తీసుకువచ్చిన మిషన్ భగీరథ పథకంపై అధికారుల పర్యవేక్షణ కరువైందని ప్రజల నుంచి విమర్శలు వెల్లువెత్తుతున్నాయి.
సిర్పూర్ (యూ) మండలంలోని మహాగాం గ్రామపంచాయతీ పరిధిలోని అల్లీగూడ సమీపంలో మిషన్ భగీరథ పైప్లైన్ పగిలి రెండు రోజుల నుంచి నీరంతా వృథాగా రోడ్డుపై పారుతున్నది. అయినప్పటికీ అధికారులు, సిబ్బంది పట్టించుకోవడం లేదని గ్రామస్తులు తెలిపారు. ఇప్పటికైనా సంబంధిత అధికారులు పైప్లైన్కు మరమ్మతులు చేసి నీటి వృథాను అరికట్టాలని కోరుతున్నారు.