తెలంగాణ రాష్ట్ర సాధనలో కీలక పాత్ర పోషించిన ఆచార్య జయశంకర్ సార్ చిరస్మరణీయుడని పలువురు వక్తలు కొనియాడారు. మంచిర్యాల, కుమ్రం భీం ఆసిఫాబాద్ జిల్లాల్లో శుక్రవారం జయశంకర్ సార్ వర్ధంతి వేడుకలను ఘనంగా నిర్వహించారు. ఈ సందర్భంగా ఆయా కూడళ్లు, కార్యాలయాలు, పాఠశాలల్లో ఆయన విగ్రహాలు, చిత్రపటాలకు పూలమాలలు వేసి, నివాళులర్పించారు. పలువురు మాట్లాడుతూ.. రాష్ట్ర సాధనకు సార్ చేసిన కృషి మరువలేనిదని పేర్కొన్నారు. తెలంగాణ వ్యాప్తంగా పర్యటించి, రాష్ట్ర ఏర్పాటు అవసరాన్ని మేధావులు, యువకులు, విద్యార్థులకు అర్థమయ్యేలా వివరించారని, ఉద్యమానికి ఊపిరి అయ్యారని కొనియాడారు.
-మందమర్రి/జన్నారం/కోటపల్లి/కాగజ్నగర్/కాసిపేట/దండేపల్లి/సీసీసీ నస్పూర్/రామకృష్ణాపూర్, జూన్ 21