దహెగాం, జూలై 24 : కుమ్రంభీం ఆసిఫాబాద్ జిల్లా దహెగాం మండలం చంద్రపల్లి పంచాయతీ పరిధిలోని పీకలగుండం గ్రామానికి మిషన్ భగీరథ నీరు రాక మహిళలు అవస్థలు పడుతున్నారని, ప్రమాదకరంగా ప్రవహిస్తున్న ఎర్రవాగును దాటి, చెలిమెల నీరు తెచ్చుకుంటున్నారని.. ఈ నెల 23న ‘నమస్తే తెలంగాణ’ మెయిన్ మొదటి పేజీలో ‘భగీరథ ప్రయత్నం’ పేరిట శీర్షికన కథనం ప్రచురితమైంది. ఈ మేరకు అధికారులు స్పందించారు.
మంగళవారం వాటర్ ట్యాంకర్ ద్వారా నీరు సరఫరా చేయగా, బుధవారం మిషన్ భగీరథ పైపులైన్కు మరమ్మతులు చేసి నల్లాల ద్వారా నీరు సరఫరా చేశారు. రక్షిత మంచినీటి పథకం కోసం కొత్త విద్యుత్ మోటర్ తీసుకొచ్చినట్లు జేఈ ఇనోస్ తెలిపారు. కాగా, నీటి సమస్య పరిష్కారానికి చొరవ చూపిన ‘నమస్తే తెలంగాణ’కు అభినందనలు తెలిపారు.