ఆసిఫాబాద్ అంబేదర్ చౌక్, జూన్ 14: ఈ నెల 24న జిల్లాలో ముఖ్యమంత్రి కేసీఆర్ పర్యటనను అన్ని శాఖల అధికారులు సమన్వయంతో విజయవంతం చేయాలని జడ్పీ చైర్పర్సన్ కోవ లక్ష్మి, ఎమ్మెల్యే ఆత్రం సకు, కలెక్టర్ బోరడే హేమంత్ సహదేవరావు పేర్కొన్నారు. ముఖ్యమంత్రి పర్యటన నేపథ్యంలో బహిరంగ సభ నిర్వహించే స్థలాన్ని అదనపు కలెక్టర్ రాజేశంతో కలిసి బుధవారం వారు పరిశీలించారు.
ఈ సందర్భంగా మాట్లాడుతూ ఈనెల 24న ముఖ్యమంత్రి చేతుల మీదుగా జిల్లాలో సమీకృత కలెక్టరేట్ భవనం, జిల్లా పోలీస్ కార్యాలయం, బీఆర్ఎస్ పార్టీ కార్యాలయం ప్రారంభోత్సవంతో పాటు ఇతర అభివృద్ధి పనుల శంకుస్థాపన కార్యక్రమాలు ఉన్నాయని తెలిపారు. ఈ సందర్భంగా జిల్లాలోని అన్ని ప్రభుత్వ శాఖల అధికారులు సమన్వయంతో పని చేయాలని సూచించారు. వాహనాల పారింగ్కు ఇబ్బందులు తలెత్తకుండా పోలీసు అధికారులు చర్యలు తీసుకోవాలని సూచించారు. డీఎస్పీ శ్రీనివాస్, జడ్పీటీసీ అరిగెల నాగేశ్వరరావు, వ్యవసాయ మారెట్ కమిటీ చైర్మన్ గాదెవేణి మల్లేశ్, సీఐలు, సంబంధిత శాఖల అధికారులు తదితరులు పాల్గొన్నారు.