నిర్మల్/ఆదిలాబాద్, జూలై 2(నమస్తే తెలంగాణ) : విద్యాభివృద్ధికి కోట్లాది రూపాయలు ఖర్చు చేస్తున్నామని చెబుతున్న కాంగ్రెస్ ప్రభుత్వం.. ఆచరణలో మాత్రం నిర్లక్ష్య ధోరణి అవలంబిస్తున్నదన్న ఆరోపణలు ఉన్నాయి. కొద్దిపాటి ఖర్చుకు వెనుకాడుతుండడంతో ప్రభుత్వ పాఠశాలలకు దూరంగా ఉన్న పేద విద్యార్థులు చదువుకు నోచుకోలేకపోతున్నారు. వీరికి విద్యాశాఖ రవాణా సౌకర్యం కల్పిస్తున్నట్లు చెబుతున్నా.. ఆచరణలో అమలు కావడం లేదు. జిల్లా వ్యాప్తంగా చాలా గ్రామాలకు తారురోడ్డు ఉన్నప్పటికీ బస్సులు నడవడం లేదు. దీంతో విద్యార్థులు సమీప గ్రామాల్లోని పాఠశాలలకు కాలినడకన, ప్రైవేటు వాహనాల్లో వెళ్లాల్సి వస్తున్నది.
అలాగే మరికొన్ని గ్రామాలకు సమయపాలన లేకుండా బస్సులు నడపడం వల్ల విద్యార్థులు ప్రభుత్వ పాఠశాల చదువులకు దూరమయ్యే పరిస్థితులు ఎదురవుతున్నాయి. కొన్ని చోట్ల ప్రభుత్వ పాఠశాలల ఉపాధ్యాయులే స్వచ్ఛందంగా ఆటో రిక్షాలను ఏర్పాటు చేసి విద్యార్థులను రప్పిస్తున్నారు. చాలా గ్రామాలకు రవాణా సౌకర్యం, బస్సుల రాక విద్యార్థులు ప్రభుత్వ విద్యకు దూరమవుతున్నారు. ఈ అవకాశాన్ని ఆసరా చేసుకుని ప్రైవేట్ పాఠశాలలు ఊరూరా తమ బస్సులను నడుపుతూ విద్యార్థులను తమ పాఠశాలల్లో చేర్చుకుంటున్నాయి. ప్రభుత్వం స్పందించి అన్ని గ్రామాలకు ఆర్టీసీ బస్సు సౌకర్యాన్ని కల్పించాలని కోరుతున్నారు. ఉదయం, సాయంత్రం ప్రత్యేక బస్సులను నడిపితే విద్యార్థులు సౌకర్యవంతంగా ఉంటుంది. ప్రభుత్వం ఈ దిశగా దృష్టి కేంద్రీకరించాలని విద్యార్థులు, వారి తల్లిదండ్రులు కోరుతున్నారు.
ఆదిలాబాద్ జిల్లాలో..
ఆదిలాబాద్ జిల్లావ్యాప్తంగా పలు గ్రామాలకు బస్సు సౌకర్యం లేక విద్యార్థులు అవస్థలు పడుతున్నారు. జిల్లా, మండల కేంద్రాలు, ఆయా గ్రామాల్లోని ప్రభుత్వ పాఠశాలల్లో చదువుకునే విద్యార్థులు రోజు తమ సొంత గ్రామాల నుంచి బడికి వెళ్లి వస్తుంటారు. ఇందుకోసం విద్యార్థులు ప్రధానంగా ఆర్టీసీ బస్సులపైనే ఆధారపడుతారు. మారుమూల గ్రామాలతోపాటు మహారాష్ట్ర సరిహద్దు గ్రామాలు, ఉట్నూర్, ఇంద్రవెల్లి, నార్నూర్, గాదిగూడ, సిరికొండ వంటి ఏజెన్సీ మండలాల్లోని గ్రామాల విద్యార్థులు రవాణ పరమైన ఇబ్బందులు ఎదుర్కొంటున్నారు. ఆర్టీసీ బస్సు సౌకర్యం లేకపోవడంతో ప్రైవేటు వాహనాలను ఆశ్రయిస్తున్నారు. రవాణా సౌకర్యం లేక పాఠశాలలకు ఆలస్యంగా వస్తున్నారు. బడికి సమయానికి చేరుకోవడం కోసం ఆటోల్లో వేలాడుతూ ప్రయాణం చేస్తున్నారు. దీంతో ఎప్పుడు ఏ ప్రమాదం ముంచుకొస్తుందో తెలియని పరిస్థితి నెలకున్నది. ఉదయం బడికి పోయేటప్పుడు, సాయంత్రం బడి నుంచి వచ్చేటప్పుడు విద్యార్థులకు ఆటోల్లో ప్రయాణం చేయాల్సి వస్తున్నది. అధికారులు స్పందించి తమ విద్యార్థుల పాఠశాల సమయాల్లో బస్సులు నడుపాలని విద్యార్థుల తల్లిదండ్రులు కోరుతున్నారు.
నిర్మల్ జిల్లాలో ఆర్టీసీ బస్సు నడవని గ్రామాలు..
నెలకు రూ.500లకు పైగా అవుతున్నాయి..
ఇచ్చోడ (సిరికొండ), జూలై 2 : సిరి కొండ మండల కేంద్రంలోని జిల్లా పరిషత్ ఉన్నత పాఠశాలలో పదో తరగ తి చదువుతున్నా. మా ఊరు సుంకిడి నుంచి సిరికొండకు నాలుగు కిలోమీ టర్లు ఉంటుంది. ఆర్టీసీ బస్సులు రాక పోవడంతో రోజు ఐదుగురం ఆటోలో బడికి వెళ్తున్నాము. ఒక్కొక్కరికి రోజు పోయి రావడానికి రూ.30లు అవుతు న్నాయి. ఆదివారాలు, సెలవులు పో నూ.. నెలకు దాదాపు రూ.500లకు పైగా అవుతున్నాయి. మేము ఆర్థికంగా వెనుకబడిన వాళ్లం. కొన్నిసార్లు ఆటోలు లేకపోవడంతో నడుచుకుంటూ వెళ్తు న్నాం. కొన్ని కొన్ని సార్లు ప్రమాదాలు జరిగిన ఘటనలు కూడా ఉన్నాయి. ఆర్టీసీ అధికారులు స్పందించి బస్సులు నడపా లని కోరుతున్నా.
– కిరణ్, 10వ తరగతి,సుంకిడి, సిరికొండ మండలం
బడికి వెళ్లాలంటే భయమేస్తంది
ఇచ్చోడ (సిరి కొండ), జూలై 2 : సిరికొండ మండల కేంద్రంలోని ప్రభు త్వ ఉన్నత పాఠశా లలో ఆరో తరగతి చదువుతున్నా. మా ఊరు జాకీర్గూడ నుంచి బడికి మూడు కిలోమీటర్ల దూరం ఉంటుంది. మా ఊరి నుంచి రోజు పది మందికిపైగా ఆటోలో వెళ్తాము. ఒక్కొక్క రికి వెళ్లి రావడానికి రూ.20లు అవుతు న్నాయి. ఒక్కోసారి ఆటోలు దొరుకకపో వడంతో సాయంత్రం ఇబ్బంది అవుతున్న ది. ప్రైవేట్ వాహనాల్లో వెళ్లిరావడానికి భయమేస్తున్నది. భద్రత కరువవుతున్నది.
– ఎస్.సునీత, ఆరో తరగతి,జాకీర్గూడ, సిరికొండ మండలం