చెన్నూర్ టౌన్/లక్షెట్టిపేట/మంచిర్యాల అర్బన్/దండేపల్లి/శ్రీరాంపూర్/చింతలమానేపల్లి/మందమర్రి /కౌటాలజూలై 21 : జిల్లాలో గురుపౌర్ణమి వేడుకలను ఘనంగా నిర్వహించారు. ఈ సందర్భంగా ఆయా చోట్ల సాయిబాబా ఆలయాల్లో ప్రత్యేక పూజలు చేశారు. చెన్నూర్ పట్టణంలోని షిర్డీ సాయిబాబా, సమీపంలోని శ్రీ అభయ వీరాంజనేయ దేవాలయంలో గణపతి పూజ, పుణ్యాహవచనం, వీరబ్రహ్మేంద్రస్వామి గురుపూజ చేశారు.
జ్ఞానమార్గం దీక్షాపీఠం శ్రీ ఏలేశ్వరం రమేశ్ చార్యులును ఆయన శిష్యబృందం ఘనంగా సన్మానించింది. లక్షెట్టిపేట మున్సిపాలిటీ ఇటిక్యాల శ్రీలక్ష్మీనరసింహుడి ఆలయంలో పురోహితులు, భక్తులు పూజలు చేశారు. నిత్యానంద గొల్లపల్లి రామలింగయ్యచార్యుల ద్యాన మందిరంలో పాలరాతి విగ్రహానికి పంచామృతాభిషేకం నిర్వహించారు. ప్రభుత్వ దవాఖానలో శ్రీసత్యసాయి సేవా సమితి ఆధ్వర్యంలో సభ్యులు రోగులకు పండ్లు, బ్రెడ్ పంపిణీ చేశారు.
సమితి సభ్యులు గంప రవీందర్, సుధాకర్, అన్నం శంకరయ్య, రమేశ్, కవిత, రాజు, బాలవికాస్ చిన్నారులు పాల్గొన్నారు. మంచిర్యాల షిర్డీ సాయిబాబా ఆలయంలో మాజీ ఎమ్మెల్యే నడిపెల్లి దివాకర్ రావు కుటుంబ సమేతంగా ప్రత్యేక పూజలు నిర్వహించారు. మున్సిపల్ మాజీ చైర్మన్ పెంట రాజయ్య, బీఅర్ఎస్ నాయకులు, భక్తులు, ఆలయ అర్చకులు పాల్గొన్నారు.
జిల్లా సాహితీ సంరక్షణ సమితి మంచిర్యాల ఆధ్వర్యంలో ప్రచార కార్యదర్శి భూపతి సంతోష్ అధ్యక్షతన కవి సమ్మేళనం నిర్వహించారు. సంయుక్త కార్యదర్శి బెల్లాల సుగుణాకర్, మహిళా కార్యదర్శి ఉత్తూరి శ్రీలక్ష్మి, పలువురు కవులు పాల్గొన్నారు. దండేపల్లి మండలం గూడెం శ్రీ షిర్డీ సాయిబాబా, శ్రీసత్యనారాయణస్వామి ఆలయాల్లో భక్తులు ప్రత్యేక పూజలు, అర్చనలు, అభిషేకాలు నిర్వహించారు. శ్రీసత్యనారాయణస్వామి ఆలయంలో భక్తులు స్వామివారిని దర్శించుకొని తీర్థప్రసాదాలు స్వీకరించారు. ముందుగా గోదావరిలో పుణ్యస్నానాలు చేశారు.
98మంది సామూహిక సత్యనారాయణస్వామి వ్రతాలు ఆచరించారు. ఆలయ ఈవో సంకటాల శ్రీనివాస్, అర్చకులు ఉన్నారు. శ్రీరాంపూర్ ఆర్కే-8 కాలనీలోని శ్రీ గణపతి షిర్డీ సాయిబాబా ఆలయంలో కౌన్సిలర్ పూదరి కుమార్ ప్రత్యేక పుజలు చేశారు. 108 కళశాలతో అభిషేకాలు నిర్వహించారు. వేద పండితులు వెంకటరమణాచార్యులను ఘణంగా సన్మానించి, సత్కరించారు. ఎమ్మెల్యే ప్రేమ్సాగర్రావు-సురేఖ దంపతుల ఆధ్వర్యంలో అన్నదానం నిర్వహించారు.
చింతలమానేపల్లి మండలం కర్జెల్లి ఓంకార ఆశ్రమం గీతా మందిర్ వద్ద గీతా పారాయణం, అభిషేకాలు చేశారు. ఇక్కడ మహిళలు, భక్తులు పాల్గొన్నారు. మందమర్రి పట్టణంలోని సత్యసాయిబాబా ఆలయంలో మందమర్రి ఏరియా జీఎం మనోహర్-సవిత దంపతులు ప్రత్యేక పూజలు చేశారు. అన్నదాన కార్యక్రమాన్ని ప్రారంభించారు. సాయంత్రం పల్లకీ సేవా, ప్రత్యేక భజన కార్యక్రమాలు నిర్వహించారు.
ఏరియా పర్సనల్ మేనేజర్ ఎస్ శ్యాంసుందర్, ఏరియా రక్షణాధికారి రవీందర్, గోదావరిఖని ఎస్వోటూ జీఎం రామ్మోహన్, మందమర్రి సీఐ శశిధర్ రెడ్డి, ఎస్ఐ రాజశేఖర్, ఆలయ కమిటీ సభ్యులు వై శ్రీనివాస్, ఎం రాజలింగు, బండారి శ్రీనివాస్, వెంకటేశ్, బండ రాజు, రామకృష్ణ, సతీశ్, అనిధర్ రెడ్డి, సాయిబాబా, వంశీ, సాయికుమార్, మేరుగు సతీశ్ సేవాదళ్ సభ్యులు పాల్గొన్నారు. ఆలయ పూజారులు శ్రీకరార్యులు, శ్రీనివాసాచార్యులు, సాయిప్రసాద్ ఆచార్యులు వేద మంత్రాలతో ప్రత్యేక పూజలు చేశారు. కౌటాల మండల కేంద్రంలోని సద్గురు సాయిబాబా ఆలయంలో పూజలు చేశారు.
శ్రీ కోదండ రామాలయం నుంచి సదాశివపేట శివాలయం వరకు గురు పాదుకలను ఊరేగించారు. భక్తులకు అన్నదానం ఏర్పాటు చేశారు. సాయి బాబా ఆలయ కమిటీ చైర్మన్ సులువ కనకయ్య, కళ్యాణమ్మ, కోదండ రామాలయ ధర్మకర్త సత్యనారాయణ, కమిటీ అధ్యక్షుడు గట్టయ్య, శివాలయం ప్రధానార్చకులు అంబేద శంకరయ్య, సంతోష్ ఆలయాల కమిటీ సభ్యులు, భక్తులు పాల్గొన్నారు.