శ్రీరాంపూర్, జూన్ 10 : ప్రతి ఒక్కరూ మొక్కలు నాటి పర్యావరణ పరిరక్షణకు కృషి చేయాలని శ్రీరాంపూర్ ఏరియా ఇన్చార్జి జీఎం పురుషోత్తంరెడ్డి కోరారు. సోమవారం శ్రీరాంపూర్ ఎస్సార్పీ-1 గనిపై హరితహారంలో భాగంగా ఏజెంట్ గోపాల్సింగ్తో కలిసి మొక్కలు నాటారు. పర్యావరణాన్ని రక్షిస్తామంటూ ఉద్యోగులతో ప్రతిజ్ఞ చేయించారు.
అనంతరం వారు మాట్లాడుతూ సింగరేణి వ్యాప్తంగా యాజమాన్యం పెద్ద సంఖ్యలో మొక్కలు నాటుతుందని తెలిపారు. ప్లాస్టిక్ కవర్ల వినియోగాన్ని నిషేధించాలని కోరారు. గుడ్డ సంచులు, జూట్ బ్యాగులు వాడాలని కోరారు. ఈ కార్యక్రమంలో ఏఐటీయూసీ బ్రాంచ్ కార్యదర్శి ఎస్కే బాజీసైదా, సహాయ కార్యదర్శి కొమురయ్య, ఏరియా ఎన్విరాన్మెంట్ ఆఫీసర్ హునుమాన్గౌడ్, మేనేజర్ విజయ్కుమార్, సేఫ్టీ ఆఫీసర్ చంద్రముర్మ, ఈఈ శంకరయ్య, రాజేందర్, పిట్ కార్యదర్శి దాడి రాజయ్య పాల్గొన్నారు.